По повод една година од постоењето на блогот за лингвистика на македонски јазик „Јазичарница“, на 3 октомври во кафе-книжарницата „Буква“ ќе се одржи хибриден модериран разговор со авторките Нина Тунтева и Викторија Блажевска, кој ќе започне во 17 часот.
Освен во „Буква“, заинтересираните ќе може да го следат настанот и преку „Зум“.
На разговорот ќе биде претставена досегашната, тековната и идната работа на лингвистките, а ќе биде претставен и новиот подновен блог.
Авторките порачуваат дека на модерираниот разговор ќе можат да се вклучат сите заинтересирани со коментари во живо.
„Јазичарница“ е блог каде авторките ги споделуваат своите размислувања за лингвистиката и јазиците со пошироката македонска публика.
