Италијанското оперско пеење е додадено на листата на културно наследство на Обединетите нации, пренесува Би-би-си.
Агенцијата за култура на ОН (УНЕСКО) објави дека ја вклучува уметноста стара четири века, мешајќи костими, драма и музика, во својата категорија на нематеријално културно наследство.
Италијанската опера се развила во доцните 1500-ти и раните 1600-ти во Фиренца, во дворот на семејството Медичи. Вообичаено вклучува сложени заплети, разработена постановка и виртуозно пеење.
Оперското пеење се придружува на други познати италијански практики, како што е на пример правењето пица.
„Ова е официјална потврда на она што веќе го знаевме: оперското пеење е светска извонредност“, рече италијанскиот министер за култура Џенаро Санџулијано во изјавата по одлуката на УНЕСКО.
УНЕСКО ја опиша италијанската опера како „физиолошки контролиран начин на пеење што ја подобрува носечката моќ на гласот во акустичните простори како што се амфитеатрите и црквите“.
