16-годишниот Американец Кајл Гирсдорф победи на светското првенство во компјутерската игра „Фортнајт“ и освои рекордна парична награда од 3 милиони долари.
Ова е најголемата награда во историјата на е-спортовите, додека целосниот награден фонд на турнирот беше 30 милиони долари.
Гирсдорф, попознат во светот на е-спортот како „Буга“ со смеење го дочекал моментот кога на преполниот Артур Еш стадион во Њујорк беше соопштено неговото име како светски шампион.
Congrats to all of our winners this weekend at the #FortniteWorldCup Finals
Solo Champion: @bugha
Duos Champions: @nyhrox @aquaa
ProAM: @Airwaks @RLGRIME
Creative: #FishFam @cizzorz @hiimtylerh @suezhoo @zandOfficial pic.twitter.com/ilBs7RTeTv— Fortnite (@FortniteGame) July 28, 2019
„Само сакам ново биро и можеби посебна полица за мојот трофеј“, изјавил Гирсдорф за Би-Би-Си по победата.
Турнирот во „Фортнајт“ е еден од најголемите настани во е-спортот, а се проценува дека оваа индустрија во 2019 година изнесувала преку милијарда долари.
На светското првенство се натпреваруваа 100 играчи од 30 држави низ светот. „Фортнајт“ е игра во која играчот е оставен на остров каде треба да најде оружје, да изгради објекти и да ги елиминира останатите натпреварувачи за да победи.
Во светот регистрирани се преку 200 милиони играчи на оваа игра.