Талибанците, како што неодамна најавија, објавија формирање на Исламски Емират Авганистан, четири дена откако од Владата го презедоа главниот град Кабул, пренесува „Н1“.
Портпаролот на Талибанците, Забијалух Муџахид преку Твитер објави за формирањето на новата држава, споделувајќи и фотографија од нејзиното знаме со грбот.
له انګریزي ښکیلاک نه د هیواد د خپلواکي د یوسل او دویمې کلیزې په مناسبت د افغانستان إسلامي امارت اعلامیهhttps://t.co/HfZUIHnCJp pic.twitter.com/jQViMYERpW
— Zabihullah (..ذبـــــیح الله م ) (@Zabehulah_M33) August 19, 2021
Соопштението доаѓа помалку од една недела по падот на главниот град на Авганистан во рацете на исламистичката екстремистичка група.
Муџахид исто така наведе дека формирањето на Исламски Емират Авганистан доаѓа по 102 години откако Велика Британија ја предаде контролата на земјата. Секој 19 август, Авганистан го слави националниот празник со кој се одбележува стекнувањето независност од колонијалната суперсила.
Талибанците долго време го користат името Исламски Емират Авганистан во нивната официјална комуникација.
Екстремистичката група во неделата објави дека ја презела контролата врз Кабул, откако авганистанскиот претседател Ашраф Гани избега од земјата, барајќи засолниште во Обединетите Арапски Емирати.
Во вторникот, во отсуство на Гани, првиот потпретседател Амрулах Салех рече дека во моментов се наоѓа во земјата, и дека според Уставот, тој е вистинскиот лидер сега.
