Во декември 2025 година, вкупно 47 650 лица кои не се државјани на ЕУ поднеле барање за азил за првпат, што претставува пад од 23% во споредба со декември 2024 и 13% помалку во однос на ноември 2025.
Истовремено, биле регистрирани 9 255 повторни апликации, што е зголемување од 29% на годишно ниво, но намалување од 19% во споредба со претходниот месец.
Најголем број баратели на азил биле од Венецуела (6 675), Авганистан (4 900), Бангладеш (3 190) и Сирија (2 025). Италија, Шпанија, Франција и Германија примиле 72% од сите првични апликации.
Во однос на населението, највисока стапка на баратели имало во Грција (39,1 на 100 000 жители), потоа Ирска (22,9) и Шпанија (19,7).
Фото: migr_asyumactm
Во декември 2025, 1 330 малолетници без придружба поднеле барање за азил. Најмногу од нив биле од Сомалија, Авганистан, Венецуела, Египет и Еритреја. Најголем број од овие случаи биле регистрирани во Холандија, Грција, Германија, Шпанија и Белгија.
Повеќе позитивни одлуки за азил
Во четвртиот квартал од 2025 година, земјите од ЕУ донеле 229 735 првостепени одлуки за азил, што е зголемување од 15% во однос на истиот период во 2024 и 10% повеќе од претходниот квартал.
Од нив, 45% (103 550) биле позитивни, односно на барателите им била доделена некаква форма на заштита.
Фото: migr_asyumactm
Од позитивните одлуки:
-
56% добиле статус на бегалец
-
23% хуманитарен статус
-
21% супсидијарна заштита
Најголем број позитивни одлуки донеле Германија, Шпанија и Франција. Најчести корисници на заштита биле државјани на Авганистан, Венецуела и Сирија.
Овие податоци укажуваат на опаѓање на новите барања за азил, но истовремено и на зголемена стапка на одобрување на заштита во Европската унија.
Извор: EuroStat
