Мјанмар го нема запрено етничкото чистење на Рохингите во провинцијата Ракине, посочил претставник за човекови права на Обединетите Нации, пренесува ББЦ.
Според информациите на заменикот генерален-секретар за човекови права на ОН, Ендрју Гилмор, продолжува „кампањата на терор и принудно изгладнување“ шест месеци по воената акција која предизвика масовен егзодус на Рохинга муслиманите.
Од Август околу 700 илјади луѓе се пребегани во соседниот Бангладеш кои сведочеле за силувања и уништување имот од војниците и криминални групи.
„Етничкото чистење на Рохингите од Мјанмар продолжува“, изјавил Гилмор.
„Природата на насилството е променето од крвопролевањата и масовните силувања минатата година, во кампања со помал интензитет на терор и присилно изгладнување“, додал тој откако разговарал со новопристигнатите Рохинга бегалци во преполните бегалски кампови во Бангладеш.
Војската на Мјанмар, пак, посочува дека се борат против милитанти етнички Рохинги и отфрлаат дека напаѓаат цивили во провинцијата Ракине.
Властите во Бангладеш и Мјанмар преговараат за враќање на бегалците во следните месеци, но распоредување на војска од Мјанмар на границата минатата недела предизвика загриженост.
Претставникот на ОН изјавил дека е „непоимливо“ за Рохинга бегалците да се вратат во провинцијата Ракине во блиска иднина на „безбеден, достоинствен и одржлив“ начин.
„Владата на Мјанмар е зафатена со информации до светот дека е спремна да ги прифати бегалците Рохинги, додека во исто време нивните безбедносни сили продолжуваат да ги протеруваат во Бангладеш“, рекол Гилмор.