Во изложниот салон „Империјал“ на Културниот информативен центар во Скопје, вечерва ќе се отвори изложбата на ликовниот уметник Љупчо Бојаров.
Изложбата ќе се отвори во 19 часот, а ќе трае со 15 ноември. Изложбата е наречена „Предели во дрво, стакло“, а ќе бидат изложени 30 дела работени од материјали како дрво, стакло, епоксидна смола и бакарна жица.
Уметничките дела се создадени во периодот од 2015 до 2021 година.
Бојаров е роден во 1959 во Скопје. Во 1984 дипломирал на Факултетот за ликовни уметности, а живее и работи во Скопје. Добитник е на домашни и меѓународни награди, а учествувал на македонски изложби, како и изложби во Србија, Црна Гора, Чехословачка, Унгарија, Словачка, Шведска, Шпанија, Англија, Франција, Америка, Грција, Египет, Италија и Бугарија.
