Илон Маск изјави дека преземањето на Твитер го става на пауза, неколку недели откако прифати да ја купи компанијата за 44 милијарди долари.
„Купувањето на Твитер привремено е паузирано во очекување на детали кои би покажале дека спам и лажните профили навистина изнесуваат помалку од 5% од корисниците“, напиша Маск денеска на Твитер.
Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn
— Elon Musk (@elonmusk) May 13, 2022
Два часа подцна Маск во нова објава напиша дека се` уште е посветен на купувањето на платформата.
Веста првично ги собори акциите на Твитер за 20%, пред нивната вредност повторно да се врати на исто ниво.
Во првичниот твит, Маск посочи на извештајот на Ројтерс од 2 мај, за тоа дека компанијата во последните финансиски извештаи информирала дека на социјалната мрежа има помалку од 5% спам или лажни профили.
Според компанијата овие проценки се засновани на примероци од сите корисници на социјалната мрежа, но сепак напоменаа дека овие бројки не биле независно потврдени и дека вистинската бројка на лажни профили може да биде поголема.
Маск претходно имаше најавено дека една од неговите идеи за подобрување на Твитер е платформата да се ослободи од сите лажни профили.
