Пакет со коњски измет, адресиран до американскиот министер за финансии Стив Мнучин, е пронајден недалеку од неговиот дом во Лос Анџелес, соопштија американските власти.
Припадници на полицијата во Лос Анџелес за деактивирање експлозивни направи ја отвориле кутијата и во неа пронашле коњски измет.
Пакетот, пронајден синоќа, бил замотан како подарок, со порака „од американскиот народ“.
Полицијата соопшти дека истрагата ја презела тајната служба.