Францускиот „Спајдермен“, Алан Робер, вчера се искачуваше на кулата во комерцијалниот кварт „Ла Дефенс“ во предградието на Париз во протест поради здравствените пропусници за Ковид-19.
60-годишниот Робер бил уапсен по околу еден час слободно искачување и бил ставен во притвор поради „загрозување на сигурноста на граѓаните“. Ова беше 11-ти обид да се искачи на 187-метарската кула.
Alain Robert, known as the ‘French Spiderman,’ climbed a skyscraper in the company of three other climbers in Paris’ business district of La Defense pic.twitter.com/KvSBG4SnGU
— Reuters (@Reuters) September 7, 2021
Иако, вообичаено, овие потфати ги изведува сам, Робер вчера бил придружуван од три други млади алпинисти на возраст од 21, 28 и 33 години, кои велат дека тоа го направиле од чест кон легендата во оваа дисциплина.
„Ова е искачување против здравствените пропусници, кои им сметаат на сите. Тоа е напад на основните слободи, овие пропусници се срам“, вели Робер, пренесе Еуроњуз.
Ковид-пропусниците се документ со кој се докажува дали лицето е вакцинирано, има негативен тест на Ковид-19 или пак ја неодамна ја прележал болеста. Пропусницата е неопходна за влез во рестораните, музеите, транспортот на долги растојанија како и за присуство на масовни настани.
Алан Робер стана светски познат поради тоа што се има искачено на повеќе од стотина облакодери и други урбани стоменици со своите голи раце, вообичаено без никакво осигурување и без дозвола.
Во март 2020, тој се искачи на врвот на Кулата Агбар во Барселона во протест поради „стравот предизвикан од Ковид-19“.
