Предлог-законот за изменување и дополнување на Законот за минимална плата во Република Македонија денеска ќе се најде на дневен ред во прво читање пред собраниската Комисија за економски прашања, труд и енергетска политика.
Овластен предлагач е претседателот на Социјалдемократски сојуз на Македонија, Венко Филипче, а како предлагачи се јавуваат и повеќе пратеници од владејачкото мнозинство.
Со предложените измени се предвидува минималната плата да изнесува 600 евра. Според образложението, целта е подобрување на животниот стандард на работниците и усогласување со растечките трошоци за живот.
По разгледувањето во матичната комисија, предлог-законот ќе биде доставен и до Законодавно-правната комисија, каде ќе се анализира неговата усогласеност со правниот систем и постојната регулатива.
Доколку добие поддршка во собраниската процедура, законот ќе продолжи во понатамошна фаза на разгледување и гласање на пленарна седница. Очекувањата се дека расправата ќе предизвика поширока дебата за економските ефекти од евентуалното зголемување на минималната плата, како и за влијанието врз работодавачите и пазарот на труд.
Извор: Телма
