Битолските навивачи го преплавија теренот во спортската сала „Боро Чурлевски“ со плишани играчки како подарок за дечињата од ранливи категории за новогодишните и божиќните празници.
Овој гест беше откако ракометниот клуб Еурофарм Пелистер побара од нивните симпатизери да направат ваков хуман гест на полувремето од вчерашниот натпревар со Вардар, што е нивен последен домашен натпревар оваа година.
Од клубот напоменаа дека со оваа порака сакаат да ги потенцираат вистинските вредности на животот, пренесени преку спортот.
