Германската полиција уапсила околу 30-тина еколози во саботата кои протестирале во шумата Хамбах во покраината Северна Рајна-Вестфалија. Демонстрантите сакале да спречат сеча на повеќевековни дрва за да се отвори пат за ископување лигнит кој се користи во околните термоцентрали.
„Сакавме да направиме гест на граѓанска непослушност и со тоа да ја спречиме сечата на дрва“, изјавила за Еуроњуз Ана Шонберг, која била дел од протестот.
Еден од демонстрантите изјавил дека бил удрен од полицаец, додека директорот на полицијата го демантирал тоа. Акцијата за расчистување на активистите од местото се одвива повеќе денови.
These people in treehouses are not only defending a 12,000 year old forest, they’re trying to protect the planet.
RT to tell @RWE_AG to back off🌳✊🏽 #HambacherForest https://t.co/ssm6ao1lj6
— Greenpeace (@Greenpeace) September 16, 2018
Поголемиот дел од овие еколози живеат во 60 импровизирани куќички, кои се поставени на трасата по која треба да се изврши сечата, што предизвикува тешкотии да бидат отстранети безбедно.
Германија сè уште произведува 37 проценти од електричната енергија од јаглен, од кои 23 проценти од лигнит.