„12“ на МНТ ќе го отвори, „Вистината“ на Театар Комедија ќе го затвори 59. МТФ „Војдан Чернодрински“

Претставата „12“ во режија на Синиша Евтимов, во продукција на Македонскиот народен театар од Скопје, на 6 јуни со почеток во 20 часот на сцената на Центарот за култура „Марко Цепенков“, ќе го отвори 59. издание на Македонскиот театарски фестивал „Војдан Чернодрински“ во Прилеп.

„12“ е дел од официјалната селекција на фестивалот. Во претставата играат: Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан Симонов, Сенко Велинов, Оливер Митковски, Владо Јовановски, Сашко Коцев, како и Тања Ивановска (Судија).

Пред изведбата, ќе им бидат врачени наградите за животно дело на актерите Снежана Коневски-Руси, Гоце Тодоровски и Соња Михајлова.

На вториот ден од фестивалот, во 10 часот пред Саат-кулата во Прилеп ќе започнат активностите на „Детската зона“. Додека, од 11 часот ќе се одигра претставата „Драмолетање“ во кино „Мис Стон“. Претставата „Разговори на тркалезна маса“ ќе започне од 12 часот во фоајето на „Марко Цепенков“. Вечерта, пак, со почеток од 19 часот ќе се одигра „Црно семе“ од Народниот театар – Битола, а од 21 ласот во „Галерија“ – претставата „Сите најубави нешта“ од „ОХО продукција“ – Скопје.

Влезниците за претставите ќе бидат пуштени во продажба на 2 јуни, на билетарницата на Центарот за култура „Марко Цепенков“, како и онлајн.

Останатиот дел од програмата го пренесуваме во целост:

8.6.2025 (недела)
10:00 Саат-кулата
Детска зона
(поддржана од „Чекор по чекор“ и „Јавен простор“ − Прилеп)

11.00 Кино „Мис Стон“
Драмолетање

11:00 НУЦК „Марко Цепенков“ (фоаје)
Промоција на театарска и театролошка литература