По реакциите во јавноста по за отежнувањето на организирање на протести со предложените измени на Законот за јавни собири, Владата најави дека го повлекува предлог-законот.
„Владата на Република Северна Македонија ги слушна забелешките на граѓанските организации за најавените предлог измени на Законот за јавни собири и на денешната 164-та седница одлучи да ги повлече предлог-измените со цел да се обезбеди поширока консултација. Владата смета дека има простор за разговори и за подобрување на содржината со цел овозможување слобода на изразување на став на јавни простори низ јасно утврдени регулативи и исклучиво во согласност со Уставот на РСМ“, соопштија од Владата.
Со предлог-законот се превидуваше минимум 50 граѓани, наместо досегашната бројка од 20 лица за организирање јавен собир, забрана за собир во седиштата на органите на државната власт и просторот околу нив, како и одредби во кои лицата кои присуствуваат на јавниот собир не смеат да носат средства на лицата и главата кои го отежнуваат утврдувањето на нивниот идентитет и временски период во кој може да се одржува јавниот собир – од 06 до 23 часот.