Светската премиера на филмот „Деца на сонцето“ во режија на Антонио Митрикески ќе биде на 25 септември, на 22. меѓународен филмски фестивал „Реинденс“ во Лондон.
Филмот доби покана да биде прикажан во официјалната програма и со тоа го стекнува правото да се бори за главната награда на фестивалот, кој се одржува секоја година од 24 септември до 5 октомври.
Во филмот играат: Ивана Павлаковиќ, Кире Ѓоревски, Мето Јовановски, Владо Јовановски, Милица Стојанова, Билјана Таневски, Данчо Чеврески, Александар Микиќ, Камка Тоциновски, Мартин Мирчевски, Емир Хаџихафизбеговиќ…
Филмот е работен според сценарио на Гордан Михиќ, а го монтираше Андрија Зафрановиќ. Продуцент на филмот е Дејан Милошевски.