Филипините воведоа уникатна и еколошки ориентирана законска мерка со која секој студент е обврзан да засади најмалку 10 стебла на дрвја како услов за дипломирање. Законот важи за сите нивоа на образование – од основно, преку средно, па сè до високо образование.
Според надлежните институции, оваа иницијатива има потенцијал да резултира со засадување на околу 175 милиони нови дрвја секоја година. Целта е да се ублажат последиците од климатските промени, да се спречи ерозијата на почвата и да се зголеми шумскиот фонд во земјата, која често е погодена од тајфуни и поплави.
Дрвјата се засадуваат во соработка со локалните заедници и државните агенции, на одредени локации како шуми, речни корита и урбани средини. Со оваа мерка, Филипините испраќаат силна порака за важноста на личната одговорност кон природата и улогата на младите во заштитата на животната средина.
Извор: Детско списание „Чувари на рамнините“ (срп.)
Фото извор: Pexels.com
