Вечерва (13 ноември) од 19 часот на сцената на Факултетот за драмски уметности – Тетово ќе се одигра „Види, летам!“, новиот претставата на Вондерленд театар за предизвиците со кои се соочуваат лицата со статус на бегалци, барателите на азил и лицата без државјанство.
Изработена од драматургот Ана Трпеноска, продукцијата ја црпи својата инспирација од автентичните наративи, искази и приказни на оние со кои и за кои работи УНХЦР. Овие лица храбро ги споделија своите искуства анонимно за време на работилниците водени од тимот на Вондерленд театар.
Проектот е во режија на Ивана Ангеловска, а под креативно водство на уметничкиот координатор Нела Витошевиќ, претставата ветува привлечна и емотивно звучна изведба. Во претставата играат актерите Никола Настоски, Исмет Шабановиќ, Ана Димитрова, Леонардо Лазов и Драгана Костадиновска.
Поддржан од Висок комесаријат на ООН за бегалци (УНЦХР) и Младински образовен форум (МОФ), „Види, летам“ не само што ветува дека ќе ја воодушеви публиката, туку и се обидува да ја подигне свеста и емпатијата за борбите со кои се соочуваат бегалците и лицата без државјанство. Со расветлување на овие важни приказни, продукцијата има за цел да поттикне подлабоко разбирање и поврзување во нашата заедница.
Влезот за претставата е бесплатен, а за присуство потребно е да се регистрирате на ОВОЈ ЛИНК за да резервирате влезници.
Вондерленд театар е независна театарска продукција со седиште во Скопје. Главните цели на продукцијата се инспирација за промени, континуирано поместување на стандардите на следното ниво и внесување свежина на независната уметничка сцена.
