Повеќе од една четвртина од населението на Европската Унија (ЕУ) примила најмалку една доза вакцина против коронавирусот, соопшти Европската комисија (ЕК), пренесува „Н1“.
Според податоците на агенцијата „Франс прес“, повеќе од 9% од населението на ЕУ е целосно вакцинирано.
„Вакцинацијата се забрзува во Европа – само што надминавме 150 милиони вакцинации… До јули ќе имаме доволно дози за да вакцинираме 70% од возрасните во ЕУ“, напиша претседателката на ЕК, Урсула фон дер Лајен на Твитер.
Vaccination is gaining speed across the EU: we have just passed 150 million vaccinations.
A quarter of all Europeans have had their first dose.
We’ll have enough doses for vaccinating 70% of EU adults in July. pic.twitter.com/j5ZdOukSrg
— Ursula von der Leyen (@vonderleyen) May 4, 2021
Според „Франс прес“, најмалку 153.8 милиони дози биле администрирани на 112.4 милиони луѓе, што е 25.1 отсто од населението во ЕУ.
Најмалку 41.9 милиони луѓе се целосно вакцинирани, или 9.4 отсто од населението.
И покрај забрзувањето на процесот на вакцинација, ЕУ се уште заостанува зад Соединетите Американски Држави каде целосно се вакцинирани околу 30 отсто од населението, Израел каде целосно се вакцинирани 58 отсто од населението и Велика Британија со 23 отсто.
