Илон Маск откри детали за модел на вештачка интелигенција наречен „Грок“, кој директно ќе ја користи платформата „Икс“ – новото име на „Твитер“, а иницијално ќе биде достапен за сите премиум корисници од другите социјални платформи.
Според Маск, врската на „Грок“ и „Твитер“ е голема предност за разлика од другите модели за генерирање на вештачка интелигенција.
„’Грок’ сака сарказам. Не знам кој го изработил на овој начин“, напиша Маск, додавајќи симболи за смеа на својата објава.
Announcing Grok!
Grok is an AI modeled after the Hitchhiker’s Guide to the Galaxy, so intended to answer almost anything and, far harder, even suggest what questions to ask!
Grok is designed to answer questions with a bit of wit and has a rebellious streak, so please don’t use…
— xAI (@xai) November 5, 2023
„’Грок’ е инспириран од ‘Странец во чудна земја’ – научно-фантастичен роман од 1961 година, од авторот Роберт Хајнлејн и значи ‘суштинско и интуитивно разбирање на нештата’“, истакна Маск.
Според Маск, „Грок“ ќе биде достапен за користење од страна на премиум корисниците на „Икс“, веднаш откако ќе излезе од фазата на тестирање.
Пред една година Маск ја купи социјалната мрежа „Твитер“ и ја именуваше „Икс“, а потоа објави и премиум опција за користење која чини 16 долари месечно и дозволува користење на платформата без реклами.
Маск започнал да работи на својот модел на вештачка интелигенција во јули годинава, а за создавањето вработил истражувачи од „ОпенАИ“, „ГуглДипМајнд“, „Тесла“ и Универзитетот во Торонто.
