Платформата X, поранешно Твитер, која е во сопственост на Илон Маск, во текот на викендот ги ажурира политиките за формално да дозволи содржини за возрасни и насилство, пренесува Ал Џазира.
Според ажурираните упатства, платформата ќе им овозможи на корисниците да споделуваат сексуализирана содржина се додека таа е консензуална и јасно означена.
„Сексуалното изразување, без разлика дали е визуелно или писмено, може да биде легитимна форма на уметничко изразување“, се вели во упатството.
Исто така, има упатство и за споделување на насилни содржини.
We have launched Adult Content and Violent Content policies to bring more clarity of our Rules and transparency into enforcement of these areas. These policies replace our former Sensitive Media and Violent Speech policies – but what we enforce against hasn’t changed.
Adult…
— Safety (@Safety) June 3, 2024
„Веруваме во автономијата на возрасните да се вклучат и да создаваат содржини што ги одразуваат нивните сопствени верувања, желби и искуства, вклучително и оние поврзани со сексуалноста“, стои во инструкциите.
За разлика од платформите како Инстаграм, Фејсбук, ТикТок и Јутјуб, Твитер никогаш експресно не забранил голотија и сексуализирана содржина.
Сепак, од како Маск го купи Твитер и го преименува во Х, драматично ја намали умереноста на платформата и ги врати претходно забранетите профили, вклучително и оние на поранешниот претседател на САД, Доналд Трамп и теоретичарот на заговор Алекс Џонс.
Маск тврди дека ја поддржува слободата на говорот, но критичарите го обвинија извршниот директор на „Тесла“ дека поттикнува говор на омраза и дезинформации.
