Global Game Jam 2024 турнирот пристигнува во среда (24 јануари) во просторијата Base42 во Скопје. Станува збор за настан на кој разни ентузијасти се собираат на едно место и заедно креираат игри, разменуваат знаење и остваруваат контакти.
Во рамки на настанот од 24 до 26 јануари, ќе се одржува конференција, наречена „Мини гејм конференцииче“, на која присутните може да стекнат знаења во областа на гејмингот.
„Во попладневните часови ќе има предавања кои ќе траат од 60-90 минути од луѓе искусни во оваа бранша на кои темите ќе се насочени кон гејм џемови, брзи совети околку креативноста и техничкиот дел кога се учествува на гејмџем и логистика и организација на самите џемови“, се вели во најавата од организаторите на настанот.
Натпреварот ќе започне во петок (26 јануари), по завршувањето на предавањата.
„Од 20:00 часот ја презентираме темата, пичуваме идеи и оформуваме тимови. Следните 48 часа единствената грижа треба да ви биде што повеќе да експериментирате, дружите, комуницирате и уживате. Во текот на целото време ќе бидат присутни ментори од Galactic Omnivore за да ве насочуваат и помагаат“, велат организаторите,
Учеството на трунирот чини 300 денари, а присуството треба да се најави преку овој линк. Повеќе информации може да најдете на оригиналната објава за настанот.
