Судот во Белорусија го осуди лидерот на опозицијата Сергеј Тихановски на 18-годишна затворска казна, откако минатата година го поттикна протестното движење против авторитарниот лидер Александар Лукашенко, јавува „Ал Џазира“.
По едномесечното судење зад затворени врати во притворскиот центар во градот Гомел, судот го прогласи Тихановски за виновен за „организирање немири и поттикнување социјална омраза“, меѓу другите обвиненија.
Неговата сопруга, Светлана Тихановскаја која беше противкандидатка на Александар Лукашенко на последните претседателски избори ја осуди пресудата.
„Диктаторот јавно им се одмаздува на своите најсилни противници. Додека ги крие политичките затвореници во затворени судења, тој се надева дека ќе продолжи со репресијата во тишина. Но, целиот свет гледа. Нема да застанеме“, напиша таа.
My husband, Siarhei Tsikhanouski, is sentenced to 18 years in prison. The dictator publicly takes revenge on his strongest opponents. While hiding the political prisoners in closed trials, he hopes to continue repressions in silence. But the whole world watches. We won’t stop. ✊ pic.twitter.com/hdnHj8y6HZ
— Sviatlana Tsikhanouskaya (@Tsihanouskaya) December 14, 2021
Покрај Тихановски, денеска на затворски казни од 14 до 16 години се осудени уште петмина други опозиционери обвинети за организирање нереди.
На протестите кои започнаа минатата година, веднаш по претседателските избори за кои опозицијата тврдеше дека се наместени беа уапсени илјадници луѓе.
