10 починати и 442 новозаразени со Ковид-19

Министерството за здравство (МЗ) денеска информираше дека во изминатото деноноќие од Ковид-19 починале 5 лица. Починале 2 лица од Скопје (57г, 78г) и по едно лице од Делчево (83г), Кочани (77г) и Крива Паланка (84г).

„Дополнително, согласно Регистарот на умрени лица со дијагноза КОВИД-19 од Мој Термин, се пријавени 5 починати лица со датум на смрт од 11.11.2021 до 22.11.2021. Регистрирани се починати лица од Охрид (1), Делчево (1), Македонска Каменица (1), Тетово (1) и Кочани (1). Починатите лица се на возраст од 65-86г, од кои едно лице е починато во домашни услови, а 4 лица во болнички услови“, се додава во соопштението на МЗ.

Во последните 24 часа потврдени се 442 нови случаи на Ковид-19. Регистрирани се 168 случаи на Ковид-19 во Скопје, Битола – 41, Прилеп – 31, Кавадарци – 24, Охрид – 15, Куманово, Велес, Штип, Струмица и Кочани – по 13, Делчево – 11, Ресен и Валандово – по 10 и 9 во Демир Хисар.

Потоа, регистрирани се по 8 случаи на Ковид-19 во Неготино и Берово, Гевгелија, Свети Николе, Крива Паланка и Радовиш – по 7, Тетово – 3, Македонска Каменица – 2 и по 1 во Гостивар, Кичево, Струга, Виница, Пробиштип, Кратово, Богданци, Македонски Брод и Пехчево.

Регистрирани сe 373 оздравени пациенти, односно од Скопје – 165, Прилеп – 36, Битола – 27, Крива Паланка – 15, Куманово – 14, Кочани – 13, Охрид – 11, Кавадарци и Кратово – по 9, Струмица и Неготино – по 8, Демир Хисар – 7, Штип, Ресен и Кичево – по 6, Гевгелија – 5, Велес, Берово и Радовиш – по 4, Тетово, Струга и Пробиштип – по 3, Виница – 2 и по 1 од Свети Николе, Богданци, Пехчево, Крушево и Демир Капија.

„Вкупната бројка на КОВИД-дијагностицирани лица во нашата земја од почетокот на епидемијата изнесува 213.307, бројот на оздравени пациенти е 197.493, на починати е 7.474, а бројот на активни случаи изнесува 8.339“, стои во соопштението на МЗ.

Досега во земјава се направени вкупно 1.456.023 тестирања на Ковид-19, а во изминатото деноноќие се направени 2.939 тестови.