Од 20-22 септември во паркот во Ѓорче Петров, по вторпат ќе се одржи манифестацијата „Звуците на културата“.
Трите денови ќе бидат исполнети со богата културно-уметничка програма, како и низа активности за најмладите, но и за повозрасните граѓани. Организаторите најавуваат настапи на културно-уметнички друштва, хорови, музички точки на училишта, баскер артисти, танцување, проекција на филм, мјузикл, концерти, театар со кои ќе се збогати културно-забавниот живот во Општина Ѓорче Петров.
Во тек на настанот ќе биде прикажан и филмот „Господ постои, името и е Петрунија“ на режисерката Теона Стругар Митевска, а во паркот каде што ќе се одржува манифестацијата, ќе бидат поставени и реквизити за забава, детски игри и спорт, забавен парк и базар.