Драмата „The Revenant“ и вселенската авантура „The Martian“ ги добија главните награди на синоќешното доделување на угледните филмски награди „Златен глобус“ и се поставија како главни фаворити за „Оскар“ годинава.
„The Revenant“ освои три награди, вклучително и за најдобра драма, во конкуренција на „Carol“ и „Spotlight“. Ѕвездата на филмот, Leonardo DiCaprio ја однесе наградата за најдобар актер, а Alejandro Inarritu, кој лани доби „Оскари“ за режија и најдобар филм („Birdman“) – за најдобар режисер. Наградата за најдобра женска улога ја освои Brie Larson, за остварувањето во „Room“.
Главни конкуренти за најдобар актер годинава беа и Eddie Redmayne (за улогата во „The Danish Girl“) и Will Smith, за остварувањето во „Concussion“. 41-годишниот DiCaprio, кој се уште нема освоено „Оскар“, доби стоечки овации на вчерашното свечено доделување на „Златните глобуси“.
Погледнете ја целата листа на добитници на наградите.