Откако сенатор на Вајоминг јавно дал хомофобични коментари за човек кој носи здолниште и „сам си бара да го тепаат“, голем број луѓе протестираат носејќи шарени здолништа.
На 25 април, републиканскиот сенатор на Вајоминг, Мајк Енѕи, пред голема публика составена од средношколци, изјавил дека секој може да биде тоа што сака, но да не го покажува тоа во јавност. Неговиот пример бил дека „знае човек кој носи пачка (здолниште кое го носат балерините) и оди во барови секој петок, а потоа е изненаден што го тепаат“. Додал дека „на некој начин, си го барал“.
Енѕи бил многу критикуван за ширењето на порака на осудување и омраза, како и за хомофобија, поради што официјално изјавил дека му е жал за „неговиот лош избор на зборови“ истиот ден.
Сега, жителите на Вајоминг и луѓе од сите страни на САД протестираат против Енѕи, носејќи пачка во кафулиња, на спортски настани и други места.
#liveandlettutu was a success! 2 stepped with Sissy at the @buckhorn bar & @sweet Melissa’s/thank you Laramie! pic.twitter.com/2s7ohIQtPK
— WyomingEquality (@WyoEquality) April 29, 2017
Hey @SenatorEnzi three friends walked into a bar wearing tutus and they weren’t “asking for it”. #liveandlettutu #Wyoming #Equality pic.twitter.com/MQpj9c3zc8
— AMCuprill (@AMCuprill) April 29, 2017
Забелешките на Енѕи особено ги погодиле жителите на Вајоминг, кои го паметат бруталното убиство на геј студентот Метју Шепард на Универзитетот на Вајоминг. Инцидентот се случил во 1998 година, а оттогаш државата се бори против злосторства од омраза. Настанот е и инспирација за драмската претстава „The Laramie“, како и за голем број други уметнички дела.