Иранки танцуваат во јавност и објавуваат видеа на интернет во протест поради апсењето на младата тинејџерка Медех Хоџабри, која објавувала видеа како танцува без хиџаб на својот популарен Инстаграм профил.
Хоџабри имала илјадници следбеници поради нејзините видеа на кои танцува на звуците на иранските и западните поп и рап песни. Танцовите најчесто биле во нејзината соба без марама на главата, која е задолжителна за жените кога се појавуваат во јавност во Иран.
Сепак, случајот предизвика голем број корисници на социјалните мрежи да почнат да објавуваат пораки и видеа во поддршка на младата девојка, користејќи хаштази кои можат да се преведат како #Танцувањето_не_е_криминал.
Покрај за облеката, иранските власти имаат и строга забрана за танцување со припадници од другиот пол во јавност, освен пред блиски членови на семејството.
Државната иранска телевизија пренела дека Хоџабри го признала делото во петокот. Според дел од медиумите, последниве недели биле уапсени уште неколку други жени кои танцувале онлајн.
„Доколку им кажете на луѓето од другите земји во светот дека 17 и 18 годишни девојки се уапсени танцување, среќа и убавина, со обвинение дека шират непристојност, додека силувачи на деца и останати се на слобода, ќе ви се смеат! Бидејќи за нив, тоа е неверојатно“, коментирал блогерот Хосеин Ронаги.
هر جای دنیا بگویی که دختران ۱۷ و ۱۸ ساله را بخاطر رقص، شادی و زیباییشان به جرم اشاعه فحشا بازداشت و زندانی کردند و در مقابل متجاوزان به کودکان و … آزاد هستند، میخندند! چون برایشان باور پذیر نیست!#مائده_هژبری #رقص#آزادی pic.twitter.com/skkYw0gVGt
— Hossein Ronaghi (@HosseinRonaghi) July 7, 2018
Една корисничка на Твитер објавила видео како игра со порака: „Танцувам за тие (властите) да видат и да знаат дека не можат да ни ја одземат среќата и надежта преку апсење тинејџерки и девојки како Медех“.
I dance in a public park in Tehran to support Maedeh the 19 year old girl who got arrested for dancing.
در پارک هنرمندان بدونحجاب اجباری رقصیدم ولی نوازنده نگران اینکه بساطش جمع بشه با عذرخواهی آهنگ رو قطع کرد.
برای حمایت از #مائده_هژبری بیا #برقص_تا_برقصیم pic.twitter.com/8JtGU4QOzI— Masih Alinejad 🏳️ (@AlinejadMasih) July 7, 2018
میرقصم تا ببیند و بدانند با گرفتن نوجوانها و مائده ها نمیتوانند شادی و امید را از ما بگیرند و ما امید به دیدن ایرانی آزاد،شاد و با آینده روشن داریم.#مائده_هژبری #برقص_تا_برقصیم #westandtogether#westandwithpahlavi
ریتوییت لطفا تا همه ببینند🙏 pic.twitter.com/oGsWPSETGL— داش مَموشی (@dashmamush2014) July 8, 2018
Ова не е прв пат во Иран да се апсат лица поради танцување. Претходно оваа година, службено лице од градот Машад било уапсено по излегување на снимка која покажува мажи и жени кои играат во трговскиот центар во градот. Во август беа уапсени шест лица поради танцување зумба.
Во 2014 година, шест млади Иранци, кои објавиле видео како играат на хит-песната „Happy“ од Фарел Вилијамс на улиците и покривите на Техеран, добиле условни казни од една година затвор и 91 удар од камшик.