„Зелената книга“добитник на наградата од публиката на фестивалот во Торонто

Филмот на Питер Фарели „Зелената книга“ („Green book“) ја зема наградата од публиката на овогодинешниот „Торонто филм фестивал“, кој досега предвиде пет добитници на Оскари за најдобар филм – „Slumdog Millionaire”, „12 Years a Slave“, „The King’s Speech“, „American Beauty“ and „Chariots of Fire“.

Во 2016 наградата од публиката отиде кај „La La Land“, а лани добитник беше „Three Billboards Outside Ebbing, Missouri“. Двата беа потоа новинирани за најдобар филм за „Оскар“.

Критичарот Питер Дебруж од „Варајети“ ги пофали перформансите на Виго Мортенсен и Махершала Али во „Зелената книга“, потенцирајќи дека „приказната е можеби уникатна, истовремено таа се развива како што очекувате, со еден огромен пресврт“.

Режисерот Фарели претходно е познат како еден од браќата кои правеа комедии од типот на „Dumb and Dumber“, „Kingpin“, „There’s Something About Mary“, „Me Мyself & Irene“…

Инаку, наградата за прв канадски филм отиде кај „Патиштата во февруари“ („Roads of February“) на Кетрин Јерковиќ, а наградата за најдобар канадски филм ја доби „Светулките исчезнаа“ на Себастијан Пилот.

Наградата за најдобар краток филм ја зедоа авторите на „Полето“.