На 18 мај во Градски Парк Скопје, Summer Work and Travel Alumni Македонија, заедно со учесниците на првата Start Up Академија за претприемништво, ќе го организира вториот по ред Kick Off Пикник кој ќе го означи почетокот на Work and Travel сезоната.
На овој настан исто така ќе се промовира првата платформа за групно вложување во Македонија – letsfundit.mk. Целиот настан е подржан од Alumni Engagement Innovation Fund, Американската Амбасада во Скопје и Work and Travel агенциите. Настанот ќе трае од 11:30 до 16:00 часот и се очекува да присуствуваат 500 гости.
Во програмата на пикникот се предвидени музички перформанси на групата Plug In и DJ Мац од Антена 5. Исто така се планираниразлични спортски активности за посетителите: натпревар во одбојка помеѓу тимовите на Work and Travel агенциите, а сите посетители ќе имаат можност да играат мал фудбал, влечење со јаже или фризби. На пикникот ќе бидат присутни креаторите на проекти на Let’s Fund It. Посетителите ќе имаат можност да вложат во постоечките проекти, а за возврат, покрај наградите од креаторите на проектите, ќе добијат и традиционален пикник оброк.
Summer Work & Travel Алумни Македонија (SWT Алумни) е непрофитна организација, доброволно формирана од група на млади студенти, по иницијатива на US State Department, односно Bureau of Educational and Cultural Affairs. Таа воедно претставува прва ваква алумни организација во светот. Целта на оваа организација е создавање на интерактивни и развојнo кариерни програми и иницијативи кои ќе им овозможат на младите целосно да ги развијат своите вештини и знаења за да можат полесно да ги имплементираат своите иновативни идеи на македонскиот пазар.