Во амбиентот на еден од најскриените делови на Петроварадинска тврдина, опкружен со огнени и жестоки рифови од гитарските бини, а целосно обвиен во својот мир, ќе биде сместена „Ворлд Чил-Ин“ (World Chill–Inn) бината во рамките на фестивалот „Егзит 2015“. Екипата од искусни диџеи и селектори кои ја бираат музиката на оваа бина, годинава ја сочинуваат новосадските колекционери на добрата, „ворлд“ музика. Некои од нив работат на радио, некои се членови на градските бендови, а некои резиденти на новосадските клубови и сите ги најавуваат своите најдобри изданија за јубилејниот „Егзит“ фестивал, кој оваа година ќе се одржи од 9. до 12. јули.
Својот музички избор ќе го претстави и „Лејзи Фејс“ (Lazy Face) од Бугарија, основач на најслушаната реге емисија на бугарското радио „Џамајкан еирфорс“ (Jamaican airforce), потоа младиот двоец кој го сочинуваат Мексиканец и новосаѓанец под името „Гвапачоса Саунд Систем“ (Guapachosa Sound System), како и „Мангала Саунд“ (Mangala Sound) од Белград, познат и како „Гавернмент 4000“ (Government 4000) кој прави необични и еуфорични бас сетови со примеси на ворлд-мјузик стиловите.
Домаќин на бината и секојдневен селектор е диџеј Вои-Кан (DJ Voi-Khan), исто така познат и како МЦ Кило Кило (MC Killo Killo), а тука се уште и Бумбас селекта (Bumbass selekta), Диџеј Луиџи (DJ Luigi), Никола Главиниќ, Диџеј Уан (DJ One), Диџеј Филип (DJ Feelip), Даб Дуба (Dub Duba), Рашомон Селекта (Rashomon Selecta), Диџеј Шај (DJ Shi) и Диџеј Куф (DJ Kuf). Ќе се „чилира“ со кумбија, афро и латино ритмови, ретро и рутс варијанти на реге, фанк и уште многу варијации и фузии кои ги нуди т.н. „Ворлд Мјузик“ правец. Со ненаметливото осветлување и по некој танцувачки жонглер со оган, посетителите ќе можат да ги наполнат батериите, а нозете ќе добијат нови сили за продолжување на фестивалската авантура.
Своите настапи на овогодишната, ултимативна „Егзит“ Авантура, за едно од најсилните програмски изданија на сите времиња, досега ги потврдија Mötorhead, The Prodigy, Manu Chao, Rudimental, Faithless, Roisin Murphy, Hardwell, Emeli Sandé, Sigma, John Newman, Capital Cities, Clean Bandit, Tom Odell, Martin Garrix, Gramatik, Leftfield, Tale of Us, Adam Beyer, Chris Liebing, Eagles of Death Metal, Fear Factory, Wilkinson, Zomboy, Roni Size Reprazent, Bondax, Napalm Death, Dubioza kolektiv, Octave One, Soul Clap, Hladno pivo, Artan Lili, Zoster…