Десетата јубилејна Пастрмајлијада, до градскиот стадион во Штип, синоќа започна со дегустирање на џиновската пастрамајлија, тешка 25 килограми, а долга два метра и 30 сантиметри.
Според главниот мајстор на џиновската пастрамајлија, Мите Пеливанов, за да се направи ваква пастрамајлија потребно е искуство од 44 години во пекарата Макпромет, а тројцата мајстори ја приготвувале околу четири часа.
„Во неа има ставено 23 килограми тесто, 18 килограми месо, широка е 70 сантиметри“, вели Пеливанов.
Инаку, „Штипската пастрмајлијада“ веќе подолго време го промовира и слави познатиот локален специјалитет, кој на овие простори од домаќинките се приготвува повеќе од три века.