Во петок, 27 јули, Скопското астрономско друштво организира набљудување со телескоп на ноќното небо.
Во текот на истата вечер, ќе се набљудуваат два исклучително ретки астрономски настани: целосно затемнување на Месечината, и опозиција на Марс – Црвената Планета на овој датум ќе биде најблиску до Земјата во последните 15 години, а со тоа и ќе се гледа најсјајно на ноќното небо.
Набљудувањето ќе биде од Плоштад Македонија со почеток во 20:30 часот.
„Сè што ќе ни биде потребно за да си поминеме убаво, е ведро небо. Ве очекуваме“, стои во најавата.