Во Лондон, овој викенд ќе се отвори нудистички ресторан каде ќе може да се јаде без какви било атрибути од материјалниот свет. Сопственицте на ресторанот велат дека нив ги движи идејата „за целосна слобода и ослободување од се одвишно“.
Во ресторанот јадењето ќе се служи во рачно изработени глинени садови, заедно со прибор кој ќе може да се јаде. Подготовка на храната ќе биде по природен пат со помош на скара на дрво. Менито ќе биде вегетаријанско и не-вегетаријанска со јадења зготвени на оган од дрво.
Посетителите ќе имаат на располагање наметки, соблекувални и шкафови. Според веб-страницата на ресторанот, корисниците се поканети да вечераат ослободени од сите обележја на современиот свет „без хемикалии, без вештачки бои, нема струја, нема гас, нема телефон, па дури и без облека, доколку посетителите го сакаат тоа.”
Осветлувањето ќе биде со свеќи.
Основачот на ресторанот Себ Лајела вели дека идејата се состои во тоа луѓето да почувствуваат целосно слободни. Посетителите на ресторанот ќе треба да ја соблечат својата облека, а потоа да облечат наметка, која би можеле да ја соблечат кога сакаат. Забранетите телефони, според Лајела, го зацврстуваат чувството на целосна разголеност.
„Комбинацијата од едноставно јадење, отсуство на технологија и облека – сето тоа ги отстранува сите пречки за едноставен разговор“, вели тој.
Ресторанот има место за 42 лица, а веќе денес резервации имаат направено над 40 илјади заинтересирани луѓе.