На 30 август (четврток) во 20 часот во НЛБ Галеријата премиерно ќе биде претставена изложбата „Актуелен момент во македонската современа фотографија“.
Според организаторите, изложбата конечно ќе можат да ја видат и љубителите на фотографијата и во Македонија, откако неколку години успешно ги претставуваше македонските современи фотографски текови во Словенија, во Лесковац во рамките на Фотографскиот самит на бившите југословенски републики и во склоп на Денови на Српска фотографија во Чачак.
Изложба е дел од овогодишните 56-ти „Денови на македонска фотографија“.
Од Фото Сојуз на Македонија (ФСМ) потенцираат дека уметничката фотографија во Македонија има своја традиција и историја.
„Бидејќи до денес македонската фотографија не е комплетно обработена, ФСМ се труди да ги обработи актуелните збиднувања во фотографијата. Во Македонија создаваат фотографија многу автори со различни опсервацији, техники и идеји. Тие се организирани преку клубовите или како самостојни автори во рамките на ФСМ. Разноликоста во творештвото во фотографијата представува кретивно богатство и придонес кон културното творештво на Република Македонија. Изложбата момент е селекција од 30тина автори кои го предвизвикуваат нашето внимание во овој актуелен момент и нашата цел е ова селекција во иднина да ја прошируваме со нови автори и нови дела“, соопштува ФСМ.