Откако 34-годишната премиерка на Финска, Сана Марин, неделава се најде во насловите на повеќе интернационални медиуми со информацијата дека размислува за воведување работна недела од четири денови и шестчасовен работен ден, сега со свој демант за иницијативата се јави Владата на Финска.
„Во програмата на финската Влада не е спомената 4-дневна работна недела. Оваа тема не е на агендата на Владата на Финска. Премиерката Марин Сана ја изнесе идејата кратко на панел дискусија што се одржа лани во август, додека беше Министер за транспорт, а оттогаш нема никакви активности“, се вели во соопштението на Владата на Финска на Твитер.
In the Finnish Government´s program there is no mention about 4-day week. Issue is not on the Finnish Government’s agenda. PM @marinsanna envisioned idea briefly in a panel discussion last August while she was the Minister of Transport, and there hasn’t been any recent activity.
— Finnish Government (@FinGovernment) January 7, 2020
Во моментов вообичаената работна недела во Финска се состои од осум часа дневно, пет дена во неделата.