Митко Чавков доби највисока казна за настаните од 27 април и е осуден на 18 години затвор, а вкупната казна за шеснасетмината обвинети е 211 години затвор. Игор Дурловски е ослободен од обвинението.
Митко Пешов е осуден на 15 години, Душко Лазаров на 15 години, Горан Ѓошевски – Леви на 15 години, Оливер Поповски на 13 години, Оливер Радулов на 10 години, Мунир Пепиќ на 15 години, Абдулфета Алими на седум години, Младен Додевски на 12 години, Јане Ченто на 15 години, Горанче Ангеловски на 12 години, Игор Југ на 12 години, Влатко Трајковски на 15 години, Вилијам Михајловски на 14 години, Николо Митровски – Кољо на 15 години и Александар Василевски Нинџа на осум години затворска казна.
Обвинителката предложи продолжување на мерката притвор за осудените Митко Чавков, Јане Ченто, Игор Југ, Младен Додевски Влатко Трајковски, бидејќи според неа постои опасност од бегство.
За преостанатите за кои е изречена затворска казна е побарано определување мерка притвор до правосилност на пресудата.
Судскиот процес почна во август минатата година, а осудените се за делото „терористичко загрозување на уставниот поредок и безбедноста“. По донесувањето на Законот за амнестија помилувани беа 15 лица.
Инаку, на 27 април 2016 луѓе што протестираа и маскирани лица насилно упаднаа во Собранието, со цел, како што тврдеа, да се спречи нелегитимен избор на Талат Џафери за собраниски спикер. Ги немаше полициските сили за да спречат напад на над 100 повредени лица. За насилството врз пратениците и медиумите сведочеа и повеќе новинари. Снимките од законодавниот дом оставија црна трага за политичкото, но и демократско живеење во земјата. Вестите за „крвавиот четврток“ одекнаа низ цел свет.