[Видео] „Speakup for #SolidartyWithRefugees“ – настан за глобална солидарност за бегалците

„За време на оваа декада бројот на бегалци се искачи до 26 милиони луѓе, двојно повеќе од бројот на бегалци пред 12 години. Истовремено, сѐ уште е тешко да се најдат решенија за оваа ситуација. Целта на форумот е да објави ургентен повик за глобална солидарност, да се работи заедно на барање решенија за бегалците на глобално ниво. Никој не треба да остане сам во општество во кое сите сакаме да живееме“, рече во својот говор Моника Сандри, претставничката на УНХЦР во Скопје, пред присутните на вчерашниот настан кој се одржа во „Станица 26“.

Настанот „Speakup for #SolidartyWithRefugees“, кој беше организиран од домашното претставништво на УНХЦР и неговите долгогодишни партнери, е инспириран и од првиот форум за бегалци. Првиот форум за бегалци е најголемата и најважната средба на бегалци, која се одвива во Женева овие два дена.

„Нашиот амбициозен план ќе функционира само доколку сите сфатиме дека ниедна држава и ниедна заедница не може сама може да се справи со бегалската криза. Секој човек се брои и секоја акција се брои без разлика дали е мала или голема“ – истакна Сандри.

На настанот настапија музичките групи  „Фолтин“ и „Битрикс“ и  диџеите Гоце и Чваре. Плакатот за овој настан, а воедно и кампања беше изработен од дизајнерот Горан Костовски – Индог. 

Во продолжение погледнете го стримот на Радио МОФ и уживајте во музиката. Speakup for #SolidartyWithRefugees

Ивана Смилевска