Десетици балони со боја завршија вечерва во фасадата на Собранието, а демонстрантите без маски се пријавуваа да го користат катапултот, во поддршка на „шарените командоси“ повикани во полиција. Претходно, пред Собранието беше поставен специјален штанд на кој учесниците во протестот масовно се изјаснуваа како „хулигани“. Демонстрантите уште еднаш ги повторија барањата на Шарената револуција и истакнаа дека немаат намера да се откажат од својата борба.