[Видео] Нов спот на Foolish Green за песната „Fade Away“

Младиот алтернативен состав„Фулиш грин“ (FOOLISH GREEN) синоќа преку официјалниот канал на Youtube го промовираше официјалниот видео спот за песната „Fade Away“.

„Fade Away“ е песна објавена на „Escape“, првиот мошне успешен албум на „Фулиш Грин“(достапен за бесплатно преземање во електронско издание на овој линк).

Автор и продуцент на песната е Ненад Стефаноски, a микс и мастеринг на песната направи Дарко Спасовски – Пацки (Quasar studios).

За изработка на видео спотот пак, користени се материјали од анимираниот филм „Сказка сказок“ на легендарниот руски аниматор Јури Норштејн, а видео монтажата е на Ненад Стефаноски.