Култниот британски музичар Morrissey го објави спотот за песната „Kiss Me A Lot“ од неговиот минатогодишен албум „World Peace Is None Of Your Business“. Во спотот има исечоци од настапите на познатиот артист, а автор на видеозаписот е Sam Esty Rayner.
Во исто време, Morrissey најави и американска турнеја во јуни и јули, на која како гости ќе настапуваат Blondie и Amanda Palmer, меѓу другите. Двете претходни турнеи со кои тој го промовираше последниот албум беа само делумно одржани, откако артистот во октомври објави дека боледува од рак.
Сепак, Morrissey ја одржа комплетната турнеја на Велика Британија минатиот месец, а во декември, во изјава за белградската телевизија Б92 најави дека подготвува и нов албум.