Младински образовен форум отвори повик за нови членови во својот Медиа/Арт клуб во Скопје. Станува збор за место што овозможува слободно и креативно изразување на младите.
Медиа/Арт клуб Скопје- Промо видео
Зошто Медиа/Арт? Затоа што сме креативни, има многу дружба и учиме кул работи. Те чекаме! ———> https://goo.gl/GGprgS*Видеото е изработено од членовите на Медиа/Арт клубот Скопје.
Posted by Младински образовен форум – МОФ / Youth Educational Forum -YEF on Friday, 29 March 2019
Во моментов постојат 5 вакви клубови во Македонија: во Скопје, Тетово, Битола, Куманово и Велес.
Содржините кои младите членови на Медиа/Арт клубовите ги создаваат имаат цел да поттикнат размислување и дејствување на конкретна општествена тема од нивен интерес за помагање на локалната заедница преку младински активизам.
Членовите на овој клуб прават акции и учат за креативен активизам; онлајн активизам; граѓански активизам; слобода на изразување; стереотипи, предрасуди и дискриминација; сајбер булинг и медиумска писменост. Уредуваат јавни простори, дизајнираат од реупотребливи материјали; пишуваат вести и изработуваат весници и користат уметност за активизам.
„Целта на секој клуб е да го обучи членот независно и самоуверено да ги користи алатките кои се изучувале, но и да обезбеди безбедна, здрава и поддржувачка средина за младите да можат да ги изразат своите ставови, да се изградат себеси, да истражуваат и да грешат. Преку овој став, младите ги гледаат клубовите како место каде што се слободни, можат да пробуваат нови нешта без осуда дека се добри или лоши во нештата кои ги изведуваат. Тие се ослободуваат од стегите наметнати од околината и самостојно избираат за себе. Младите ги градат своите капацитети, дознаваат повеќе за себе и околината, стекнуваат вештини и знаења, креираат нов круг на пријатели и познаници, учат за почит и одговорност и се забавуваат“, велат од МОФ.
Пријавата за нови членови е достапна на следниот ЛИНК.