Сликање со светлина (light painting) претставува процес со користење на светлината и фотографија со долга експозиција при што се добива речиси електричен изглед на уметничките дела.
Овој мал трик со светлината го користат уметници со цел да се создадат неверојатни визуелни дела. Darren Pearson, исто така познат како Darius Twin, го создаде „Lightspeed“, краток филм кој е направен со stop-motion со користење на 1139 одделни светлечки фотографии.
Ова всушност претставува негов втор филм изработен на овој начин. Во 2013 година, „Light Goes On“ е изработен со помалку светлечки фотографии, односно содржи 720.
За целосна изработка на видеото од две минути, на уметникот му била потребна една година. Во случај да се реши да направи филм од два часа, тој ќе треба да употреби 68.340 фотографии.