[Видео] Компјутери наменети исклучиво за уметност

ЕО1 е навидум обичен компјутерски дисплеј, но неговата намена е единствена – тој е компјутер  наменет исклучиво за презентирање уметнички дела. Компанијата Electric Objects во моментов собира пари за развој на EO1 на Kickstarter, а собраната сума досега изнесува 400.000 долари.

Специјалниот дисплеј може да се закачи на ѕид или на посебен држач, а тој се контролира целосно преку мобилен телефон – се менуваат фотографии, видеа, ГИФ-ови, па дури и објекти базирани на код, кои се извршуваат во реално време. EO1 е првиот ваков систем кој нуди интегриран дигитален дисплеј, систем за дистрибуција, како и уметнички дела кои се претставуваат.