[Видео] Документарен филм од 90-те со Carl Craig, Derrick May, DJ Sneak и Giorgio Moroder

Modulations: Cinema for the Ear“ е документарец од 1998 во кој се појавуваат култни диџеи и продуценти, иноватори на тогашната електронска сцена. Според зборовите на авторите, документарецот го прикажува „историскиот момент на здружувањето на луѓето и машините со цел создавање на звуците кои и денеска се актуелни“.

Во филмот има интервјуа со големи имиња како Arman Van Helden, Juan Atkins, Derrick May, Arthur Baker, LTJ Bukem, Orbital, Pierre Henry, Prodigy, Danny Tenaglia, Sasha, Squarepusher и Robert Moog, како и ретки снимки од првите изданија на Love Parade во Берлин, фестивалите Popkomm, Sonar и WMC, се до настапот на Surgeon на рејвот во Бруклин, на кој упаднала полицијата. Овој документарец нуди интересен увид во електронската сцена на 90-те, предводена од млади момчиња од Детроит до Бристол, кои создаваа еден нов, оригинален звук.