Британскиот јавен сервис BBC го објави документарниот филм „Kraftwerk: Pop Art“, во кој се раскажува приказната за 45-годишното постоење на култниот германски состав Kraftwerk. Во едночасовниот филм се вклучени снимки од настапите на групата во живо во лондонскиот музеј Tate Modern во 2013 и архивски снимки од највпечатливите концерти на Kraftwerk низ децениите. Во филмот учествуваат и техно пионерот Derrick May, основачот на групата Can, Holger Czukay, диџејот и ремиксер Francois Kevorkian, како и бројни други експерти и познавачи на бендот, кои зборуваат за неговото влијание врз модерната музика.
