[Видео] Бендот The Muppets за првпат свиреше во живо

Бендот со познатите ликови од американското шоу The Muppets за првпат одржа концерт во живо. Dr. Teeth и Electric Mayhem имаа настап со пет песни во рамки на фестивал во Сан Франциско.

Тие го започнаа концертот со авторска песна „Can You Picture That?“ од нивниот филм во 1979 година, а потоа продолжија со преработка на песните „San Francisco“ од The Mowgli’s, „Home“ од Edward Sharpe и Magnetic Zeros, „Ophelia“ од The Band и „With A Little Help From My Friends“ од The Beatles.

Иако The Muppets никогаш не свиреле во живо, групата има објавено не помалку од 15 албуми низ годините, а остварија и соработка со уметници како Lady Gaga, Jack White и David Grohl. Во 1977, тие беа на врвот на музичките листи со песната „Halfway Down The Stairs“.