Службите на американскиот претседател ја суспендирале акредитацијата за главниот известувач на Си-Ен-Ен од Белата куќа, Џим Акоста, откако новинарот беше упорен во неговата намера да добие одговори од Доналд Трамп.
Трамп, во жестоката дискусија го нарече Акоста „непристојна и ужасна личност“, а службенчка од Белата куќа неколку пати се обидуваше да му го одземе микрофонот на новинарот на пресконференцијата.
Портпаролката на Белата куќа, Сара Сандерс, како изговор за одземање на акредитацијата го навела тоа што новинарот ги „ставил своите раце на млада жена“.
White House suspends credentials for CNN correspondent Jim Acosta after heated exchange with Pres. Trump. https://t.co/6Jz12hiYMg pic.twitter.com/jEXT9APq3Z
— ABC News (@ABC) November 8, 2018
Акоста го предизвика претседателот со прашања околу неговите контроверзни ставови за караванот мигранти кои се движат од Централна Америка кон САД, како и за анти-имиграциската реклама која од јавноста беше видена како расистичка, кога Трамп одлучи да не одговара на прашањата:
„Тоа е доволно. Си-Ен-Ен треба да се засрами од тоа што работиш за нив. Ти си непристојна и ужасна личност“, Трамп му се обрати на Акоста.
Новинари и новинарски здруженија испратија критики за овој потег, додека Си-Ен-Ен го нарече лажно обвинувањето на Белата куќа кон Акоста и причината поради која му се повлекува акредитацијата.
I’ve just been denied entrance to the WH. Secret Service just informed me I cannot enter the WH grounds for my 8pm hit
— Jim Acosta (@Acosta) November 8, 2018
Критики за администрацијата на Трамп пристигнаа и од Асоцијацијата на известувачи од Белата куќа, група која ги претставува новинарите кои известуваат од претседателската резиденција, нарекувајќи ја одлуката „несоодветна“ и „неприфатлива“.
„Повикуваме Белата куќа веднаш да го повлече овој слаб и погрешен потег“, стои во нивната реакција.
WHCA statement on White House decision on credentials. pic.twitter.com/bukK7CGu2G
— WHCA (@whca) November 8, 2018
🇺🇸@POTUS said again #media are “the enemy of people” while attacking @CNN #journalist @Acosta during yesterday’s press briefing. The journalist’s accreditation was revoked from the #WhiteHouse because he asked about the migrant caravan and #TrumpRussia probe. It’s unacceptable! https://t.co/HcT8KiGGfo
— IFJ (@IFJGlobal) November 8, 2018
* Оваа содржина е изработена со помош на Европската Унија во рамките на Проектот за
младинско изразување. За објавените содржини е одговорен Младински образовен форум и
истите нужно не ги одразуваат ставовите на Европската Унија.