Велосипедски караван „Скопје на точак“ на 11 ноември, во тек е пријавување

Сојузот на спортови на Скопје и Град Скопје на 11 ноември организираат велосипедски карван кој има за цел популаризација на возењето велосипеди.

„Скопје знае за велосипеди. Некои велат дека во 1960-те години секој втор граѓанин имал велосипед. За да се врати тоа, време е во недела, 11.11.2018, во 11.00 часот, да се направи еден круг низ градот на точак“, велат организаторите.

Секој е поканет да се пријави на http://www.sportskopje.mk/skopjenatocak. Учеството е бесплатно и ќе се вози со диктирана брзина од 20 километри на час. За да се вози на велосипед на овој настан секој мора да е пријавен и да го подигне своето стартно бројче.

Од 11:00 ќе се врши поделба на стартни броеви – лепенки за велосипед (пред фонтана Лотос на бул. Илинден), во 12:00 часот стартува карванот, а завршува во 12:30. Потоа од 12:35 – 13:00 следи лотарија, а настанот завршува со велосипедски дружења (13:00 – 13:30). Во лотаријата има неколку награди, како велосипеди и велосипедска опрема, ракавици, заштитни шлемови.

Повеќе информации има на: http://www.sportskopje.mk/skopjenatocak.

Стартот на „Скопје на точак“ е од булевар „Илинден“ кај фонтаната Лотос со правец на движење кон Сити мол. Се врти лево по улица „Љубљанска„ и се вози по ул. „Московска“ до Студентскиот дом Гоце Делчев. Кај домот се врти лево по улица „М. Т. Гологанов“ и се вози право до Католичка црква. Од таму се продолжува по „М. Т. Гологанов“, па по улица „Димитрие Чуповски“, потоа право по бул. „11 Октомври“ до семафорите кај Црвен Крст каде се врти лево по бул. „Кочо Рацин“. Таму се вози преку мостот по бул. „Крсте Петков Мисирков“. На семафорите кај Мавровка се врти лево и се вози по бул. „Гоце Делчев“, преку мостот „Гоце Делчев“, се приклучува на бул. „Илинден“ и се доаѓа на стартот, кај Фонтаната Лотос во Градски парк.

Краен рок за пријавување е сабота, 10 ноември, во 23:59 часот.