Вечер на слем поезија во Битола ќе се одржи во петок, на 25 март во просториите на Интимен Театар. Овој јавен настан е посветен на ЛГБТИ заедницата, нивните семејства и поддржувачи.
На вечерта на слем поезијата се поканети сите кои сакаат да споделат свои оригинални стихови или песни од други автори кои говорат за нехеторосексуалните животни искуства, емоции и практики. Преку овој тип на културни настани, како што појаснуваат организаторите на настанот, се обидуваат да го збогатат јавниот и културниот дискурс со теми кои се надвор од фокусот, но истовремено и да креираат социјални и културни простори во кои ќе се негува поддржувачка атмосфера за различностите кои често се заборавени и невидливи.
Настанот е дел од проектот „Децентрализација на активностите за застапување за ЛГБТИ права спроведен од Коалицијата „Сексуални и здравствени права на маргинализираните заедници“ во партнерство со ЛГБТИ Центарот за поддршка со поддршка од Проектот на УСАИД за граѓанско општество, кој го спроведува Фондацијата Отверено општество – Македонија.
Почетокот е најавен во 19:00 часот.
